موسوعة الشعر العربي الشاعر منسي الغريب ابو اسامه

_______موسوعة الشعر الشعبي _______

قصة شعرية من لون الدارمي(11)باللهجة الفراتية  وا

وزن الدارمي .. 

مستفعلن فعلان .. مستفعلاتن 

او 

مستفعلن فعلان .. مستفعلاتان

****

قالت .. 

بلا يبو الزينات  عندي كتابة 

مدري شعر ينقال مدري عتابة  

قلت .. 

هاتي يبنتي انشوف  شنهو كتبتي 

اوزن وزن مضبوط لو ما عرفتي   

قالت .. بنتك !!

  مقبل ابوي اتكون  واشلون بنتك 

واني ابغرامك هيم  بيها حسبتك  

قلت .. 

امشي يبنت الناس  عمري وشيبي 

قامت تضرب امثال ماهو معيبي 

قالت .. 

تدري يأبن الناس  ماهي عبارة  

دحق تراني بيك  مشجي  وسهارة .. 

قلت .. 

دي بطلي عاد وهات  كافي تمزحين 

هذا لعب اطفال  ضرب المجانين 

قالت ..  

ماهو لعب جهال  مجنونة عشقك 

حجة الوزن القاك سابيني حبك 

قلت .. شوفي 

لا مال عندي اكتير .. يكفي لزفتك 

ولا اللعب  انساه .. يالما غدرتك 

قالت .. 

بس هات رقم احساب  انطيني حيفك  

خذني ونا سداد  كل تكاليفك 

قلت .. 

باطل يعيب الشوم  مي من صفاتي 

ايدي قطع ان زار  منك كفاتي  

قالت .. 

قلي شسوي امعاك هذي قدرتي 

لا تكسر القلبين  ارحم عبرتي 

قلت .. 

خلني اشوف شلون ..  تدبر اموري 

صدقي هدمت احصون ضيعتي طوري 

قالت .. 

اي هه يغالي شبيك مثلي نوادر 

انت القلب والروح  هدينا ساتر  

قلت .. 

 هسا نزعت احشاي فوتي بقلبهن 

حبك سطى للروح  كلهن عبرهن .. 

...... 

ومدري الزفة ايمت ..  

من گلمات الشاعر *****منسي الغريب ابو اسامة **