زجل ياأميرة غرامي الشاعر رامي يوسف علي
.... زجل : يا اميرة غرامي .!
يا متيمين الحب اهدوا .. واسمعوا
قلبي اذا غنى غزل ... شو بتطلعوا
ان ما نظمت الشعر.... شو بتتوقعوا
غير الهوانم بالهوى ..... يتولعوا
وكل المعاني والحروف ... تنعنعوا
تا يرقصوا عا نغمته ....... و يتدلعوا
قلبي الكتب لِك هالزجل .. و رصعه
ناطر عا بابِك تا تغني ........ مطلعه
لو كل شعار الغزل ......... بتجمعوا
كانوا بشعر الحب عندي .. بيركعوا
كلن بحبك و الجمال ... بيطمعوا
وقلبك بقلبي يا أميرة .. . موضعه
لكن يا حلوة القلب شو رح .. يقنعه
إن كان ما عطيت الدوا وقلبك معه
ما عاد ينفع لا الطبيب .. ومبضعه
ولا كل شي بالطب قادر ... يخدعه
هالقلب حبك يا غرامي .. و بهجتي
وجنون قلبي بس هواك .. بينفعه
........... بصوابعي ...
............. راء عين .
تعليقات
إرسال تعليق