أنتِ بقلم الشاعر غدير سلام

أنتِ ..

.

أبصَر كنتِ أميرة .. 

أو ملكِة وقتا ..

بعيوني كنتِ الوَلَه ..

و بعدهن قلبي انتبه ..

بدي يحركشني .. 

 و عرفتا ..

مانا لحظات عاديّة ..

و لا كنتِ شي ألف جوريّة ..

كنتِ كل وردة بعمري تلهَفتا ..

و مشقتا .. 

كنتِ تلال من الحبق ..

و بحور من ضوع الورد .. 

و عليّي عقلي اشتلئ .. 

لما شفتِك .. 

مليار حوريّة .. 

و أنخاب سحريّة ..

و كنتِ شهرزاد كل الحكايا .. 

و صورة كل أميرة حلوة .. 

 بالمرايا .. 

و كل نشيدة حفظتا .. 

و متلك الله ما خلق ..

من وين جبتي هالسّجايا ؟ ..

حزورة من وقتا ..

يا عيوني ما حزرتا .. 

أنتِ فرح كل عيد ..

و أنتِ غنج أحلى لمواعيد .. 

أنتِ شي ألف و كاس متحدين ..

و عم يكتبو الحلا بكلمات ..

 للحب و فساتين .. 

و أنتِ أحلى الغيد .. 

أنتِ مين ؟ ..

تخمييين .. 

تخمين انتِ الوحيدة ..

يلّي سحرتِ القلب .. 

و الروح ..

و عشقتا .

.

.

آمل التوثيق لو تكرمتم متفضلين .

.

مع اعتذاري اصدقائي غقد كنت معاقباً 

من قبل الفيسبوك و ممنوعاً من النشر في

المجموعات او التعليق .

.

محبتي و تقديري لكم جميعاً .

.