بخدكي الخال الشاعر عادل سعيد
** بخدَّكي الخال **
بخدَّكي الخال والغمزي فيهم ولّعونا
وينك نجوم الثُّريّا هيك قالت عيونا
تَعي خدي جمال أخت البدر
فايض ألق ربوعنا وعم يحسدونا
............
زهور جنينتا تتغاوى بغيابا
فيها وهن ما بتعرف صوابا
مع الرّيح تتمايل وأقصى عُبابا
أقلّ من الشّبر وعم تخفي جنونا
.............
كل يوم الصبح متل العِبادي
زهورا ترتمي بحضنها كأنّو وسادي
تهمس الوردات بجمالا هيدا مرادي
ومن طلّتا يحمرّ من الخجل لونا
..............
هيدي الفاتنه كريمي ومتواضعا
خُبرتو بتصميمها حط الصّانعا
أبدع خليقا دايمي و مرصّعا
وأبها المعاني خصّصلو لَكونا
...............
سراب الكواكب من العُلا نازلي
تهاني أهل الجِنان معها حاملي
علينا كتير عاتبي بمرسالها قايلي
ولووو شي مرّا بس بقدوما علمونا
............
ابو علي . عادل
تعليقات
إرسال تعليق