ابويه بقلم الشاعر أحمد الصاوى
( ؛ ؛ ؛ أبويه ؛ ؛ ؛ )
أحلى كلمه فوق لساني
كلمه غيّبها زماني
كلمه غاليه حنينه دايماً
فى بالي كلمه راحت
بس لسا الحرف غالي
لسا عايشه فى كل حالي
كنت اشوف
الحُب فيه
بس يا خساره مداريه
كنت اشوف
شيبتُه تقولي
افتكر خدتك فى حُصني
إوعى تنسى
بقوتك أو يغُرك ياد
فى سِني
إني مش قادر أمَشِّي
افتكر يوم ما تماشيني
كنت تجري جنب مِني
إوعى تنسى
مره إني كنت ببكي بدمعتي
يوم ما ظني مره كلني
دا انتا ياله
حته مني دا انتا إبني
افتكر حُزنك فى مره
كنت بمشي
وبنسى إسمي
افتكر يوم كنت اجيبلك
كل حاجه
غاليه عَندِي
وبهدِيهالك ما انتظر إنك تقولي
عُمر ما نسيتك
يا ابويه عُمر منسيتك فى عُمري
بس ياابّا دُنيا غابه غصب عني
نفسي اضُمك
نفسي تاني يمد عُمرك
نفسي راسي تِلقىَ كتفك
بس يا خساره
لا كتفك أو أجل يمد عُمرك
ولا راسي تروح لسِدرك
أيوه يا خساره
افترقنا والقدر فى يوم ما صابك
برضوا صابني
لسا فاكر يوم ما سِبتك
كنت تبكي
كنت بتقولي تعالى خُدني حُضنك
يومها دُنيا أقوى مني
برضوا غصب خدتني منك
كنت ماشي
بس حاسس مش هقبلك
أيه جحودي لما اسيبك
تبكي بُعدي
ولا صبري ع الدموع دي
تفر منك
فيّه حُزن
بيسابقني وفكر حاسُه بيشغلني
زي فكرة إنك ابني
عُمري شوفتك
مره تبكي النهاردة شوفتها
وصوت بينده إوعى تمشي
قلبي جامد
عارفُه يا ابّا
بس فى ضلوعي بيكوي
بس جيتلك
فى الأواخر آه لحقتك
بس وانتا فى سكه تانيه
بندهك سمّعني
حِسك فينوا ياابّا فينوا حِسك
فين دموعك يوم ما سبتك
قلبي جاحد
يوم ما سِبتك
بس مطمنّ يا ابويه إن شوفتك
لما أمي قالتلك
اشهد قُلت بشهاده بشفايفك
فين سمارك برضوا يا ابّا
وأيه ملامحك
لما غُسلك كنت هادي
وكنت راضي وكُلُه يشهد
وانتهينا منُه دفنك
وابتدا يوحشني إسمك
أيه بطاقه وأيه هويه
فينوا شحمك
فينوا لحمك فين ملامحك
فين يا ابويه كل رسمك
كنت قاسي
يا ابويه أيوه
يوم ما سِبتك
علمتني الحُب أُمي
عند قَبرك
لما يهمس صوتها يِدعِي
لما بتطبطب إيديها
بضهر قبرك
لما تُنظُرلُه وتبكي
علمتني الحُب أُمي
يوم ما قالت يومها إزرع
خُضره أو صبٍاره جنبك
علمتني الحُب أُمي
يوم متلقى أي شئ
يندّه بذِكرك
دارت الأيام ومرت
وابتدا يكبر لي إبني
وابتديت أحصد فى زرعي
وابتدا التلج يداهمني
شعره بيضا فى شعره بيضا
وابتدا العُمر يِولي
ياه يا ابويه
لسا فاكرك عُمر ما نسيتك
وصبرك ولّا حُبك أو ملامحك
دُنيا شدِتني إليها
بس باجي عند قبرك
أقرا سورة ولا آيه
واحُطّ عُود أخضر وامَشّي
بمشي أيوه
بس والله وحشني
نفسي اشوفك
فى المنام ولّا زعلان
لما سِبتك
نفسي مره
اعرف وحشتك
ما انتا بيشوفك حبايبك
ولّا إبنك غير حبايبك
ولّا زعلان من ملامِي
لابن إبنك
ولّا كام أسبوع
ما زُرتك قولي يا ابّا
اني وحشتك
دا انتا والله وحشني .
......... ..... .... .. .
أحمد الصاوي مصر ٢٥ / ٦ / ٢٠٢٠
تعليقات
إرسال تعليق