الك ميزة بقلم الشاعر عارف شلش الساعدي
(الك ميزة)
شعر عارف شلش الساعدي
الك ميزه شحكي اتعب
واعجز اشما وصفيتك
وكل جمال الكون بيك
وفرق من يوم القيتك
وياما ابحث عنك انه
تدري بيه انه اشتريتك
واغار من الناس كلها
أوين اظمك يالهويتك
وللروح اخاير ويه عقلي
ابقلبي وبصدري حميتك
ونبضي يسرع لك حمايه
واسكنت واجعلته بيتك
وهالمحبه اتزيد بيه وشعلتني
من الكلام وحت مشيتك
لاتقول تجرحني اشوفك بالكلام
وكان مااكتب واجيتك
سنين مرت تدري بيها
مااحس لحظه النسيتك
ياجمالك حير العالم اباسرها
ولو محب ماعاتبيتك
وشما ابعدت تلقاني اجينك
ولوهجرتك ودعيتك
مااهجرك مااعوفك انته حبي
ومانسيت ولاسليتك
الك ميزه شحكي اتعب
واعجز اشما وصفيتك
تعليقات
إرسال تعليق