لا تخجلي بقلم الشاعر عادل سعيد
\{ لاتخجلي }\
لاتخجلي يا مرايتي لا تخجلي
فيكي صورتي إلي تنجلي
إذا هالكون متفضَّل عليّي
لمّا بقارنو فيكي بتعتلي
،،،،،،،،،،،،،،،،،،
انتي الواهبي من دون المقابل
انتي الصَّريحا الما بتقدِر تجامل
انتي جوابِك بالفور حاضر
ما قادر حدا يردّ الجواب ولا بتزعلي
،،،،،،،،،،،،،،،،،،
ما يصيبِك ضَجَر لو تبقي وحيدي
ما متلِك شي بصفاتِك الفريدي
قادرا وعاجزي بذات الوقت
ما معِك تفويض ترفضي أو تقبلي
،،،،،،،،،،،،،،،،،،،
أنا العاقل المصنوع بإتقانَك واجِدي
انتي كريمي بس لكن جامدي
رح قارنِك بالمحبوب نور الهُدى
فاضِل فضيل الفضل .صادق بو علي
،،،،،،،،،،،،،،،،،،،
لا تخجلي لا تزعلي أنا إلو وهوّي إلي
معليش صرتي تا تتحمَّلي
،،،،،،،،،،،،،،،
عادل سعيد / ابو علي / سوريا
تعليقات
إرسال تعليق