كلو عايش عالقلة بقلم الشاعر هيثم ابو جعفر
كلو عايش عالقلة (ي)
وعملة(ي)مافيش
كيف العمل يا دلي
وكيف بدنا نعيش
* * * *
عيشتنا صارت صعبة(ي)
ما عنا فلوس
لا وجدان ولا محبة(ي)
وقلّةْ ناموس
اِغرقنا لفوق الركبة
ونخرنا السوس
برجلين العملة الصعبة(ي)
مات الدرويش
* * * *
الله يستر ها المرة
وشو بدو يصير
ع شوية رح نتعرى
شو هالتعتير
ع الراس اِكسرنا الجرة
وما في تدبير
تا نشحد باقي شعرة
وشوية ريش
* * * *
بين التكة والتكة(ي)
نشرةْ أسعار
والجحة(ي) نفس العلكة
طلع الدولار
كل العالم عم تشكي
من ها التجار
واقعنا مضحك مبكي
دفّشْ تدفيش
* * * *
وحكومتنا غفياني
وما دريانة
ونحن الطابور تماني
عمرو ما نعيش
✍بقلمي
#هيثم_عليا
تعليقات
إرسال تعليق