ياشام بقلم الشاعر شمس الدين سعيد
******* ياشام ********
طل الصبح ياشام قومي تنهدي
وخصلات شعرك سرحيهن وافردي
طل الصبح ياشام والليل انجلى
توب الفرح قومي البسيه وجددي
انتي عروس المجد من فجر الدني
وكل سنه زايد حلاكي عن سنه
ماتامر عليكي الا كل دني
وخاين الاوطان وبطبعو ردي
مهرك عالمجد ياشام كتير غالي
فيكي قاسيون ونهروكروم الدوالي
وانا عاطول فيكي بشوف حالي
وبين البشر فيكي بيعلى مقعدي
ياشام انتي باقيه والتتر فلو
وجيوش العدا ع ارضك انذلو
وبعدو قاسيون الشامخ محلو
وعاطول ارضك للاعادي مصيده
لما الحقد والارهاب عاشعبك تعدو
نسرنا بالسما الجناح مدو
وطرد بوم العدا ولبعيد ردو
وطرد غربان جايي بلونا الاسودي
انتي انحنى عارضك التاريخ ياشام
وحيا شعب مابيركع ومقدام
وع صدورنا منعلقك اجمل وسام
وبالدهب مكتوب شام مخلده
انتي للعروبه جامعه وقلبك وسيع
انتي قلعة الاحرار صرتي للجميع
واللي بيقصدك ياشام مابيضيع
لو كان ماشي بالظلام بيهتدي
مهما عليكي تامر الماجور
مهما الليالي تظلمك وتجور
ذكرك مسك وحروف من نور
تاجك دهب وخدود حمرا مورده
كاني شايف الحكام يللي تامرو
رجعو على بوابك يخجلو وبيصغرو
والك بيقدمو الاعذار لما تذكرو
انك للعروبه مناصره ومساندي
انتي الوطن ياشام وبحضنك دفا
رمز التالف والتالف والوفا
وع دين عيسى والنبي المصطفى
منبقى سوا عاطول امه موحده
شمس الدين سعيد 30 6/2020
تعليقات
إرسال تعليق