لو بقلم الشاعر غدير سلام

لو 

.

لو تعرفي شو بحبّك .. 

و شو بشتقلِك .. 

كل لحظة بعيشا بحرمان ..

كنتِ كل شي تْرَكتِ ..

و دغري بحضني .. 

دغري صرتِ .. 

و تْملّكتِ و تْأمّرتِ و تتوّجتِ ..

مليكة عرش الزّمان .

. 

لشجونِك قلبي الأمان .. 

و الحناااان .. كلّو لعيونِك ..

و رح تنسي بحياتِك يا عمري ..

 كل شي كان ..

رح تعيشي عالم تاني ..

عنفواني مع أماني ..

و بحناني بدّك تترَجّي النسيان ..

أنو يبعد ..

من حلا كل غمرة حلوة ..

يَ حلوة .. 

و من صلا كل شفّة ..

رح تدوري و رح تعيدي ..

و رح تلتفّي ..

حتّى كتّر ترتيلاتي ..

و بكل لهفِة ..

 رح تصطفّي ..

و بكل مرّة رح بتشفّي ..

صدح الشّفّة .. 

و تضلّي تعيدي ..

مواسم عيدي ..

و تعيدي الغفران ..

.

.

آمل التوثيق لو تكرمتم متفضلين .

.