قصة وطن بقلم الشاعرة غروب شبيب

(قصة وطن)

رح خبرك عن قصة وطن منكوب..

عن كذب طافح بالغدر مسكوب..

عن عيد...

ع جبين الحزن مصلوب..

عن نجوم غابت بالسما..

وكانت ضحية هالحروب..

رح خبرك.. كيف تآمروا ع الوطن

خلعوا توب الأخوة بخيانة للعلن..

ورميوك بقعر البير..

ودفعنا التمن..

والفدية مذلة..... معجونه/ي برغيف

الشعوب..

رح خبرك عن لعبة الدولار بأيد الدول..

جوع وفقر.. وماعاد هالتاجر خجل

وهاك الفقير ال قرا ع لوحة دجل

أسعار مجنونة..

وجيبو بالقرش مثقوب..

وبقصة المازوت... ضاع السطر

والفهرس..

والكهربا والغاز...

هني الهاجس الأتعس..

وعمرنا بطاقة ناطقه..

والمواطن الأخرس..

وكملت مع قيصر.. وزمنا صار

بالمقلوب..

كفكف دموعك ياوطن بمنديل

الفجر..

من دم الشهدا بينبت الزهر

وبيفوح العطر..

وكل خريف بعدو ربيع..

بفصول هالعمر...

واسمك مضوي بالسما...

وبالعز مكتوب..

........................................

غروب أحمد شبيب