نفسي بقلم الشاعر عادل علي
نفسى ......
نفسي أسيب الدنيا وامشى
وأنسى حبك منجرحشى
مهما تعمل متحاولشى
بس خايف من الفراق
نفسى تعرف انك شاغلنى
وانى منك وانت منى
مهما غبت وبعدت عنى
مهما قلبك يكون ظالمنى
بالقى نفسى الشوق واخدنى
كتير وبيقربنى ليك
أيوه دايب فيك حنين
واللي بينا مش يومين
كل ثانيه بعشره سنين
ياما كنا قريبين
واللي بينا ده مش يومين
ليه يعدوا فى كلمتين ؟؟
والطريق هياخدنا فين
ويعمل ايه فينا الحنين
ازاى هننسى اجمل سنين
وأما كنا صغيرين
احنا الاتنين فرحانين
وذكريات ناس طيبين
ويعمل ايه فينا الحنين
بس خايف من الفراق
بعدى قوللى مين هيواسيك
مين يصونك ويخاف عليك
كل ما ابعد بشتاق إليك
اشتاق لحضنك ولعينيك
والقى نفسى حنين واخدنى
كتير وبيقربنى ليك
نفسى اسيب الدنيا وامشى
وانسى حبك منجرحشى
مهما تعمل متحاولشى
بس خايف من الفراق
عادل علي
تعليقات
إرسال تعليق