بتقوللي انسى بقلم الشاعر عادل علي
بتقوللي إنسى !!
وإزاي راح أنسى
قلبي اللي كان مليان حنان
كده سهل يقسى
ياللي إنت كنت
حب غالي إزاي عرفت
إنك تخون
إزاي يهون
عشق العيون
وكده كل شيء
إزاي غدرت
إزاي قدرت
لو حتى إنت عرفت تنسى
أنا عمري ما أنسي
ولا قلبي يقسي
مين غيرك إنت ؟
يقدر يرجع
ضحكة تاهت في الطريق
مين غيرك إنت ؟
كان بيسمع
شكوه القلب البرىء
مين غيرك إنت
كان حبيب ليا وصديق
مين غيرك إنت
طوق نجاتي وكان حياة
قلبي الغريق
معقوله أبيع وبايدي أضِيع
وكمان أضَيع حبك انت
وانت عندي بالكون ده كله
وكل شيء
بتقوللي إنسى
وإزاي راح أنسى
قلبي اللي كان مليان حنان
معقولة يقسى ؟!؟
عادل علي
تعليقات
إرسال تعليق