شو قصتك بقلم الشاعر فاتح سليمان أبو حكمت
شو قصتك
شو قصتك قلي ياباب الدار
نشفت دموعك وهرهر المسمار
راحوا من زمن
من زمان بعيد
ضاع الحلم
يبست أشجار الغار
يابيت يمكن يرجعوا
يمكن يدقوا
عندهم اسرار
يابيتنا مابهجرك
مابيع مهما غليت الأسعار
رح رجعك يابابنا
وضويك
اي ضويك مهما صار
ياهاجرين رجعوا
انتم سند
انتم عمد
الارض لازم نزرع الاشجار
وتعود خضرا مزينا
وتحرق الشر والأشرار
يابيت هذي زوبعة
صح انحنينا
لكن عندنا اصرار
نحن الأقوى
اهل هذي الارض
نحن الكرامة
نحن السنديان
مايهمنا المنشار
المنشار يقطع رأس الفاسدين
وتبقى الغابة بتوبها الاخضر
ياباب اشمخ
راجعين نعمرك يادار
الشاعر فاتح سليمان ابو حكمت من سورية
تعليقات
إرسال تعليق