ولدنة غربة بقلم الشاعر حسني استانبولي
( ولدنة غربة )
قالت سمعت عصفور عم يتكتك
ضحكت وقلت هذا قلبي يندهك
قالت شفت الشجر بعضو ينحني
قلت من الزعل لإيام لكان يحملك
قالت ليش الحيطان كلها مهدمي
قلت من حياتي الي عشتا انطرك
جاوب وأنا زعلان والضهر منحني
طالت كتير غيبتك وسنين تسألك
كيف تركت حبيبك ورحت بالدني
ماسألت عنو برسالة حتى يشكرك
اخترت لبس ودهب والمال تغتني
تركت قلب حيران ما بدو يجرحك
مضيت عمر أسهر مع حلم ينساني
ونسيت همي وبعت نفسي بودادك
قالت ابن عمي حقك رجع من تاني
عوضك سنين الهم وعيش بحنانك
تركت غربتي بكل مالا الندم اجاني
راجعة للحب الي ما نساني بفؤادك
ضحكت من قلبي وبالفرحة خلاني
أرقص انا مطرحي والهوى يحلالك
بقلمي حسني استانبولي ١١//٣//٢٠٢١
تعليقات
إرسال تعليق