شاعر البلد بقلم الشاعر حسني استانبولي

( شاعر البلد )

نحنا بالهوى نكتب الأشعار 

ينمذ البلبل بشفاف بسمتنا

الصبح يغرد حسونا الطيار

ويلهلب وردنا بغزل نحلتنا

والعكازة تعلن جية الختيار

ينادي حدا من أولاد جارتنا 

حتى يسقوا زهراتنا بهالدار

وما يدوسوا عورد حديقتنا

و بالمسا تجينا فرقة السمار

تعزف الأوتار بالغزل سهرتنا

بنسمة تهفهف والجمال يغار

من صبية بهزة خصر غمرتنا 

يجوا الشباب وبالسهرة زوار

وصاروا جوقة بالغزل دبكتنا

ترقص الصبايا وبالخصر زنار

تغمز هالعيون وبالفرح قعدتنا

بقلمي حسني استانبولي ١٠//٣//٢٠٢١