في حكي بقلم الشاعر مهدي أحمد صقور

في  حكي

وكلمات من القلب ..

بلكي   يبطل حزن

 وبكي . ..

 وتعشعش العصافير 

عا الشجر بالحيطان..

تنام عا خد الندي .

تلقط حب وغني ...

....

من كم سنه 

شو ضل  من الدنيا 

        الحلا و المي ...

جرار من خمر الهنا .

 زنزلخت وفيّ .

ويا دني مين بقي 

وضل . .

 مشتاق الوادي والعصفور 

لصوت الصياد وثمر الخرنوب ..

 للريح  وقت الغياب ..

وين راح  لبسوا أسود حزين ....

كيف وليش مابتذكر ..

 العرق المعتق  ..

من العنب والتين . 

 ومشيت بالحقول لم الدروب 

عد الخطوات  كتير  مشتاق أركض بين الرعوش 

 قطف  ورق زعتر ..

حبات آس.

أقعد أغلي زوفة 

أشرب و مشتاق

للدمعات  والكحل  ...

    للنوم   بكم الزهر   والقصب والسنديان 

للقدوم والحور العتيق للشمس  والضو .

ما في الدنيا متل

 كروم الزيتون... 

حلا وطهارة ...

مرحبا للشوك اللي عبى دياتها تألم  تقطف عسل 

تتعلم  زمان نسيت تزعل ..

تهرب مع  الندى تسرق ورق 

تحيك عقد واسوارة تتزين 

  تحب تعشق تلم  عطر  ..

تركض   تشخوط ترسم عناقيد تتبسم .تتعطر 

من مية النهر  وأرض الكروم حد القلب .

تجدل شعرها  تسأل عن حظها   بعد في حب 

أدب وعلم وصبر 

حلا  بالأرض ..

والسنون تضحك عن جد 

 

مهدي صقور  ...