كلام بقلم الشاعر مهدي أحمد صقور

كلام 

فينا نحكي .....

 ندردش كتير 

نسكر  من الخمرة من المي

 من الحكي 

نرمي جمر ......

 حروف بالخميرة 

 نخبز عجين ..

 نلزق عا الحيطان طين .

بس مش ممكن نخلي القلب يرتمي عا حجار  الطريق ...  

 يسرق جيوب يكتب قصائد  سودا  .

يعلق يحرق دفاتر الماضي ..

نحن من بكير عا الندي نحصد نغمر 

نصيد عصافير  ...

أيدينا بالوحل .. 

عيونا بالغبرة  ..

 عرقانة  .

لكن لقمة الأكل مغمسة بالتعب 

 نقطفها بضمير ... 

نسطر عا الدروب زرار الورد 

قناديل 

حكايا قلوب وكحل عيون 

ونروح نسرح بالحقول .

 نلملم عطور  ..

نسمع صوت الحلا . 

نغسل وجه القمر بالدمع 

نزرع طهارة قلب نكتب صلا ..

نصبح بكرة  ...  

زوار حد الدني الحلوة 

بالبيت العالي  ... 

حد القمر .

ظلال وهنا ومطر ..     

وصفوف صفوف  من همسات 

ترمي بالعين ضحكة أمل 

ومعايدة .. 

مكتوبة بحروف السنا 

وتعويدة  من الحسد 

والخوف   .. 

...

مهدي صقور