امي بقلم الشاعر ابو ماهر الشيزري زيتونة
بسم لله الرحمن الرحيم...
قصيدة بمناسبة عيد الأم....
( 🌷أمي 🌷)
بنهار عيدك جيت ياأمي
تاأعترف قديشك مهمي
أنتي الزرعتي الحب والإيمان
بكل نقطة دم من دمي
ياما كنت أوقع وأنا وهشلان
وتركضي تاأبنك تلمي
وياما بظل جناحك الدفيان
دفيت حالي وانفرج همي
ياما حرمتي جفنك النعسان
يغفى قبل مابسمتي أتشمي
أنتي العطيتيني قلب أنسان
وكنتي بعطائك قمة القمة
إنتي الكبر والعز والوجدان
إنتي الوفا والصدق والهمي
أنتي العطا والعطف والتحنان
ولومن وجودك هالدني رمي
حبك بقلبي بخلجة الشريان
وإسمك عطر دايب على تمي
وكلما مرق عيدك عليي
بشوف قلبي عايش بهالعيد
وبشوف قلبي مع قلب أمي...
(بقلم الشاعر ابوماهر الشيزري زيتونة )
تعليقات
إرسال تعليق