محكية بقلم الشاعر محمد عزو حرفوش

محكيّة..

.. خمرة الكاس..

فاتنة/ي شعرها موّال

ورمشها قرطاس 

خدودها ورد وحروف

تنسج ألف قصيدة/ي.

شفافها سحر 

تقطر خمر بيعبّي الراس 

أنفاسها عطر 

متل الدم تمشي بوريدي.

وغمزاتها ساحرة

زرعتْ بضلوعي ألف وسواس 

هزّت كياني 

بعثرت هيبتي العتيدة/ي.

تمنيتْ ألبس جوانح 

متل ابن فرناس 

رفرف وطير حولها 

بشي لحظة مجيدة/ي.

شعّل بمحرابها شمعات 

للحسن قدّاس 

صلّي نجتمع ع كتف غيمة/ي 

بليلة/يْ سعيدة/ي.

رفعتْ راسها بدلع 

وبانت مناجم ماس 

مدّتْ أناملها نحوي بإشارة مفيدة/ي.

وهمست بعيونها 

اعقل ياابن الناس 

أنا غزالة شاردة 

بس بالعشق عنيدة/ي.

.. محمد عزو حرفوش..