أصحى بقى تقولي بقلم الشاعر ايميل حمود
اصحى بقى تقولي
وينَك ما عم شوفَك
ولا شوف عاكفوفَك
معلّم بقايا لون
فيها القلب مفتون
تا تلمّس شفافي
لو تسمح ظروفَك
اصحى بقى تقولي
وينَك حبيب الروح
صار القلب مجروح
طال الهجر تخمين
هجرَك متل سكين
بتحزّ باضلاعي
ما في عقل واعي
عشقَك رماني وصار
شي تلج مرة ونار
زوّد جنوني فيك
وحافر وفا حروفَك
اصحى بقى تقولي
هونيك في النا
ذكرى وشو ما طلنا
بالهجر عن هونيك
بيبقى الدفا فيها
وعشق القمر ضيها
دروب بخطواينا
بتذكر شو ما انسينا
ولو عن قصد رحنا
بعوفا ولا بعوفَك.
ايميل حمّود
تعليقات
إرسال تعليق