وقت الي بشوفك بقلم الشاعرة رابية الأحمد

وقت اللي بشوفك جاي وصوبي بتمر

بيضحك قلبي من الفرحة بعيونك سر

ياما غنيت غناني وكتبت حروف 

يوم ال بتغيبو عني محسوب بشهر

وشرحتلك أحوالي بعدك شو صار

دبل الورد بموسمنا ودبلو ل زرار

وقلبي طق من الفرقة شعلان بنار

بين الدمعة والضحكة مقضي هالعمر

رحت وسافرت بغربة تارك هالروح

وريحة عطرك ع تيابي بعدا بتفوح

لو بكتب شهر بحالو مافية بوح 

حبك شو سوى بحالي شغلني بجمر

جيت ومحلى هالجية يا أحلى شب

وفرشتلك مملكتي تربع بالقلب

ياسنين العمر بذاتا غيرك مابحب

يقبرني الله ل خلق شباب السمر

بقلمي