شاعر بقلم الشاعرة فريزة محمد سلمان
شاعر
شاعر أنا ..وشاطر بْصف الحكي
لاتعتب لمى.. ولا أميمة تشتكي
شاعر أنا..
وحرفي .. بيسوق اللحن
بمرج الزهر.. يرعى الحلا
ويرْقص فرح.. ع خصر ليلكي
أنا شاعر ..
وسلاحي ورقة وقلم
خيّال.. من دون فرس
بيسبق الوقت.. بيتخطّى الحرس
يغفّي حنان.. يصحي مرح
ويترك سعد ع السطر متّكي.
وساعات .. بيكتب شجن
عنين الناي.. نوّاح وتعب
والآه... موال العتب
هيك.. بيمضي الليل
ع شاعر .. ناطر قمر
تَ يضوي ع المملكة.
بقلمي فريزة محمد سلمان
تعليقات
إرسال تعليق