مين بدو يربح بقلم الشاعرة سمرة زهر الدين
محكية
مين بدو يربح
سهام عيونك تصيب وتجرح
ورموشك احتلت بالقلب مطرح
عيونك تنام وماتسأل
ودمعاتي تسيل وتفضح
ياحبي شو عملت بحالي
مالقيت غير بقربك مطرح.!!
شفت بعيونك صورة لحالي
وصرت اتغزّل فيهم واسرح
حاجي عليّ تزيد الدّلال
وجوات عروقي تغني وتصدح
صرت من غلبي أهذي بموالي
وأنت لمواجعي تجمع وتطرح
كل ما مر طيفك بخيالي بتذكر
طباعك وكيف فيهم كنت امدح
عملت روحي حقلَ بذار
وجوّات أضلاعي تزرع وتفلح
تماديت بالزعل ياغالي
حتى عا كيفك تسرح وتمرح
لو كان قلبك من الهوى خالي
بظل عقلي من طيشك أرجح
وآخر كلامي بنصحك يابن الحلال
لاتطول جناحاتك وبالفضا تسبح
بقصهم بمقص العزّالِ
ولنشوف من فينا بيربح
سمرة زهرالدين
سورية
تعليقات
إرسال تعليق