غدر الزمان بقلم الشاعرة رابية الأحمد
غدر الزمن
ضاع العمر وغدرت الأيام
نوح وحزن والقلب ما بينلام
همي كبر ما بتحملو ل جبال
زاد الوجع سوس ونخر العضام
متل الحلم صار الفرح تذكار
ودبل الورد ودبلو معاه زرار
بكيت وصحت ردت حجار الدار
عيش الهني سافر بهاك العام
يمي تعبت انهد القلب والحيل
فجأة سمعت صوت و بتالي الليل
يبكي طفل وصارت دموعي سيل
صرخت بوجع يلعن ابو الظلام
بسرعة برق جانا العدو يمي
سهام الغدر بقلوبنا يرمي
بفدي الأرض يامو أنا بدمي
ومابعيش بالزل لو يحكموني اعدام
فقدت الوعي وقت ال شفت هالام
فقدت ضنا تصرخ وتتألم
جوا القلب جرح الغدر علم
فاح العطر بترابنا اعوام
غريب طبعك يازمن غدار
حاجة بقا كافي اللي فينا صار
وبعد الغوالي والأهل والجار
جار الزمان وعشنا بالأوهام، ،،
بقلمي رابية الأحمد
تعليقات
إرسال تعليق