شحذت الشوك من عيونك بقلم الشاعر علي الجواد الجواد
شحذت الشوك من عيونك
ولا مرة كلت مظلوم
انت الجفيت درب الهوی
وانا بالدمع اذکرك دوم
خلي الروح :::::: بحزنها
صحری ومالها بسماك غيوم
ياما الکَلب أبابك وکف
وياما بهواك تحمل لوم
مالوم کلشي منك جری
وما ريدك ردن لدمعي اليوم
خلك بروحي بس جرح
جثير جروح عليها الکَلب مفطوم
حطيت الروح بألم
وشيكت الکَلب بجثير هموم
هانت عليك دمعتي
وکل يوم تزيد حطب بکَلب مغروم
وشکد صمت عن الآه
وبيا أنت ألم وموت محتوم
هذا هواك هذي عيونك
وشکد جفا عيوني منهن نوم
أكتبك بحرف أرد للذکری
ألکا رسمك بالآه مختوم
شاهدة وانکتب بيها اسمك
وکَلب بهواك سموه مرحوم
شحذت الشوك من عيونك
ولا مرة كلت مظلوم
المسافر
تعليقات
إرسال تعليق