جاي ليه دلوقتي بقلم الشاعرة حنان شوقي اللواء

جاي ليه دلوقتي بتسأل 

عليا كنت فين ؟؟

كنت بدور عليك .....

كان قلبي يتمني يبقي 

كله بين إديك.......

كنت خايفه من الليالي

بس مكنش القلب خالي

كنت أنت لوحدك فيه ...

كان قلبي بيناجي قلبك

يمكن مره تحس بيه.... 

كنت ديما لما أشوفك.... 

بحضنك برموش عنيا... 

كنت بتحمل في بعدك.

هجر قلبك والأسيه...

كنت بستني قربك....

يرحم الدمع في عنيا

بعدت عني وجاي  ..

دلوقتي تسأل عليا ..

إرجع مكانك..... 

نسيت حنانك

مبقاش كلامك

يأثر فيا.... 

حنان شوقي اللواء

رسم ابنتي كوثر محمد