بلا تشفير بقلم الشاعر ريان قداح

بلا تشفير

                 ،،،،،،،،،،،،،،،،،،،،،،،

خلوا  القلب  واقف  بلا  دقات 

ولا تفكروا انو     عليل  ومات

قلبي       انا بيرفرف  وبيطير

لما  بعيونا   تكهرب  الصدمات

لما  الغزل  عاشفافها   بيصير

يجني الشهد ويقطف العسلات

ونسور   فوق  كتافها   نواطير

خاف   الهوى   ليطير الشعرات

وفوق الرموش  عشوش العصافير

تعزف  لخدا    اجمل    النغمات

وجبينها   بيصحى  الصبح بكير

لما  سمانا        تودع   النجمات

وخيط الشمس متل الطفل الصغير

يوزع  على ورود  الحقل بسمات

غنى  القمح   والخير زاد كتير

وقت الي  رقصوا بالسما الغيمات

طاب  السهر عاسطح هاك البير

وشهدت عاحب العاشق الميات

قومي  معي      لأخدك ونطير

وننشر  محبتنا       بلا  تشفير

وزورق  عشقنا  تحملو الموجات

   بقلمي/ريان قداح