متل العتابا بقلم الشاعر ايميل حمود

متل العتابا

متل العتابا

برندحِك موال

وبقول فيكي

البَعد ما بينقال

وبتمّتمِك بالقلب

همسة شوق

وبشيل قلبي

البعشق محروق

تا طال فيكي

الما قدر ينطال

يا مدلعني ومغنجة

حاجي بخفى تتفرجي

عليي ودموعِك

يزرفوا

دمع وبكي تا ينطفوا

فيكي العتابا قايلا

ولالا وموليا شايلا

وعالميج يا أم الخال

غنّيتِلِك مال الخصر

عا ميلتو ضاع العمر

والشيب عبّا الرّاس

والكاس خلف الكاس

صرت أشربو

تا أنطفي

وأنتي ما كنتي تعرفي

أنّو العشق وسواس

والعشق مانو عشق

لو ما أنتلا أحساس

هادا البقي والحال.

ايميل حمود