ولفي هجر بقلم الشاعرة رابية الأحمد
ولفي هجر
ولفي هجر و ما أصعب غيابو
مات القلب حزنان شو صابو
دبلت زهورالدار و الحبقات
وبكيت حجار الدار ع مصابو
مرسال لفي عالبيت يسأل وين
وين اللي كانو هالرمش للعين
جوا القلب زلزال وبراكين
ودموع هالعينين ع بوابو
لاتسألوني ليش ولفي غاب
صعبت علية غيبة الأحباب
قلبي شمع وع هجهرهن داب
عمرو البكي مارجع صحابو
بقلمي رابية الأحمد
تعليقات
إرسال تعليق