رثاء اخي بقلم الاستاذ اسماعيل زيدان
رثاء اخي
حكاية غدر ياناس بالأخبار
عند الصبح بكير فاقت الأشرار
زحفت عالحقل بالهيل حرقيتو
اسرت وقتلت شباب موظفي بالنار
مالك زنب بالي جرى والصار
بريء الروح يا صاحب الوفى للجار
من سنين ربينا سوى بالدار
ونمنى عالارض من يوم كنا صغار
حملنا همومك يا زمن بكير
سنينك فرقتنا والزمن غدار
خطفت منا زهرة غوالينا
ودبلت ورود العمر ويبست الاشجار
وينك يا علي طال الغياب كتير
ياريت ترجع ونكمل المشوار
ياريت ترجع حامل راية
النصر
وتفتح بواب الفرح وتزهر الازهار
يا ريت ترجع ونجدد الافراح
ونطرد بقايا الحزن وتشعشع الانوار
وينك رحت وتركت فينا الاسى
ورجعت ليالي السود متل النار
أمك تصيح وتنوح وتنده ياعلي
ياعلي رجع علي يا حيدر الكرار
حنونتنا صاحت وحلفت يمين ما بتنام
قبل ما تكحل عيونها وعليك تندار
بإرادة الرب اخدتها لعندك
واخدت معى صوره ألك تذكار
فراخك طيرو وكبرت جوانحهن
وفتح وردهن يا علي وصارو كبار
قناديلك ياخيي ضوت بعيلتنا
ومهند بالعزم صنديد وبطل مغوار
طمن بعدى بزكرك كل هل جيران
ومهما غبت بضل نبراس للزوار
عاغيابك ياخيي جفت جداولنا
وماعاد فينا حيل عالجرى والصار
عتمت لبيوت وبعدك ما شعلت شموع
وحزنت طيور السنونو الساكني بالدار
والشمس حزنت وغابت اشعتها
وطيور السما رحلت وهجرة الاشجار
بساتين القمح يبست من حزنها وغيوم السما جمدت مانزلت امطار
بعدك ياخيي شو بقي من العمر
ما ضل غير الحزن والاسى بهل مشوار
روحي فدى روحك بقدمها هديه
وببقى بلا روح في عالم الاسرار
توبك شهادة عز للوطن
انت والك رفقات صرتو مزار
بقلمي
اسماعيل زيدان
26....2....2023
تعليقات
إرسال تعليق