كلام الظل زجل بقلم الشاعر رامز دلول

كلام الظل--زجل

صامت أنا وظلي اللي عم يحكي

وناطر ولو همسه إلي تشكي

نطقت جمادات الدني بإحساس

فيها الوعي بالرد تكرمني

ظلّي لحالو يودِّع الأسعار

بصمتو يراقب قيمة الدولار

وأوراق نعوّه ترافق المشوار

وسير الجنازه عم يحيرني

بأيامنا صاب الدوا آلام

ومل العفن من جور هالايام

وتا يوصلك غرقان بالأحلام

بينده حدا من العتم يسعفني

لحروب فاقت بالدني الأعداد

ولديار لتبيعا عليها مزاد

حتى المدن فيها سعى لجراد

ناوي من دياري يهجرني

ظنيت لحالي انا بغربه

وبطلب خلاص لحالتي الصعبه

طلعوا كتار لصابتن كربه

يارب ترحمهم وترحمني

رامز دلووووووووووووول