يمو ياأمي بقلم الشاعر علي فطوم
يمو يا أمي .....
عيني انتي ....من بعد اذنك
لو سمحتي......
اذا بدك شي لاتقليلي اذا بتريد......لا تقليلي اذا فاضي.......لا تقليلي زعلان او راضي
لاتسأليني الك طلة عالسوق......
وتطلبي مني بس ارتاح وروق
اطلبي مني بلهجة الأمر.....لاني خدامك طول العمر
بحب اسمع الأمر منك......بحب شيل كلشي عنك...
قليلي ياصبي جبلي علبة الشاية
ياصبي ناولني هالتقلاية.......
بحب تقليلي تعا لهون ولاك.....هالدنيا فاضية بلاك
بتعرفي ليش.......لأني بحب حس اني بعدني طفلك الزغيَّر.......
طفلك اللي بعيونك لا بيكبر ولا بيتغيَّر
قليلي عطيني حبة الدوا.....مشان قلك ريتا لقلبي
قليلي عطيني كاسة مي وتعا قعود جنبي
يمو لاتعمليلي قيمة......انا قدامك ما إلي قيمة
انا قدامك لعبة يتيمة
يتيمة لمحبتك......يتيمة لقربك
يتيمة لريحتك......ولكلشي بيخصك
قليلي تعا لاتعكز عليك......اي....اي
انا عكازتِك......لاني باشا ولاني بيك
يمووو ريتني متت ولاشفتك عم تتعكزي
علي فطوم
تعليقات
إرسال تعليق