للضمير محكي بقلم الشاعر رامز دلول
للضمير--محكي--
بدي الضمير الفيك يا إنسان
يروي صور عن ناس منسيه
احكي ولاتبقى متل شيطان
أخرس وترمي البري بخطيه
قلوب البشر جمله من الألوان
المكَّار فيها وصادق النيه
لابد مره تخضع لميزان
وتطلب عدل من كف مشريه
رح تنحكم بالزور والبهتان
وما فيك تدفع تمن حريه
ابن الخطيئه وطالب الغفران
بمعبد حجر ما الو قدسيه
فقدت السما من قلة الإيمان
وأرضك ع عين الكل مسبيه
بسأل الهي الواحد الديان
يهدي نفوس كتير تعباني
وتبقى بماء الحيا مرويه
رامز دلول
تعليقات
إرسال تعليق