هي الحياة كده بقلم الشاعرة حنان شوقي اللواء

هي الحياه كده

بنحب اللي ناسينا

وننسى اللي فاكرنا

ويبقي القرش في إيدينا

ونبص للي في إيد غيرنا

وحياتنا مش عجبانا......

والله كتر خيرنا ؟؟

بدل منحمد ربنا 

على حياتنا وأمننا

بنتبطر على العيشه

وعايزين نهجر أرضنا

إسال اللي جرب

 واتغرب عننا

هيقلك تراب بلدك

أولى بزرعنا

أنا دقت مرارة الغربه

وقلت أرجع هنا

بلدي بيا أولي

هى اللي تضمنا

 إحمد ربك على بلدك

وفكر في إللي يحبك

هو اولى بقربك

وبلاش تبص لغيرك

على عيشتك

إحمد ربنا....

حنان شوقي اللواء