وجع الحروف بقلم الشاعر محمد عزو حرفوش

.. محكيّة غنائيّة..

.. وجع الحروف..

كلماتي كلها  حزن

حبرا نبض إنساني 

بكتب والروح تئن

بين ضلوع بردانه/ي.

صاير غدار يازمن 

مليت الدنيا  فتن 

عَ الناس كلّا مِحَن 

ضاعت كلّ الأماني.

العيون شبعت بكي

صارت بحالا ملبّكي

لمين بدّها  تشتكي

بهمومها  غرقانه/ي.

حاجتك يا دنيا قهر

كل يوم بيمرق شهر

ضيعان رايح هالعمر

هاجر ع كوكب تاني.

ناس عم تظلم ناس

ضايع منّا الإحساس

صارت كلّا وسواس

فاقت شرّ الشيطانِ.

ابن بلادي  يا تاجر

حاج بلقمتنا تتاجر

كلّ الِ عملتو فاجر

مافي ثروة بقيانه/ي

ياريت بيرجع ياريت

نور البسمة لكل بيت

لو كان عَ خبز وزيت

حلوه العيشه الرضيانه/ي

.. محمد عزو حرفوش..