شاعر حلو بقلم الشاعر اسماعيل محمد الآغا
شاعر حلو
الشاعر حلو مابتركو الحالو
ببقا معو تايضل أحلالو
وبعيش كل لحظة هنا وبقول
العندو ولاد املاح نيالو
نيال قلب من الورد مجدول
بيشلح عطر عافيةعلى خيالو
وكل ماالشمس بتصبح وبتزول
بيبني عابيت جديد أمالو
نيال يالي بصحبتو مسرور
جمع الشمل همو وشغل بالو
بزعل على عصفور عما يدور
غنا إلو وماطل غنالو
نيال قلبو المركز علا إصول
قول وفعل إسمو رأس مالو
بيحفظ وعد وعن كلمتو مسؤول
وغير بالوفا مانوخ جمالو
نيال راعي بخاطرو معزول
عمر عاكتف التل عرزالو
لاقصور بدو ولادهب مشغول
مرتاح من دوشت حكايا الناس
ومابيصلو شو مالبشر قالو
مع تحيات الفلاح
تعليقات
إرسال تعليق