دمعة ليل بقلم الشاعر محمد عزو حرفوش
دمعة ليل..
كل يوم بسهر أنا وهالكاس
بسمع مواويل ع الربابه/ي
كلها وصف لَ مآسي الناس
بعالم أوحش من الغابه/ي
مافي ضمير ولا إحساس
لْ مين بدّي وجّه عتابي
لا القلم نافع ولا القرطاس
سال الدمع تَ بلّل تيابي
ألف خاطر وألف وسواس
تهدد حياتنا متل العصابه/ي
الصبر مانفع ولا المتراس
لصوص تعلمت فن الخطابه/ي
المال فاير عندها أكداس
وحياة الناس متل خرابه/ي
الطحالب صارت النبراس
تأمر وتنهي بكل صلابه/ي
والفقير بكل يوم بينداس
تايه مابين حيتان وديابه/ي
يارب معقول الأصيل يجوع
والفاجر يعتّق دهب بالخوابي؟!
.. محمد عزو حرفوش.
تعليقات
إرسال تعليق