معليش هنن كلمتين زغار بقلم الشاعر هيثم عبد الهادي
معليش هنن كلمتين زغار
كتير صايرة مغبشة الصورة
ماعد تنفع احملا تذكار
مادام متترك الآهات مقهورة
*****
كنت بحلاك اجمل الأخبار
وان كان عاجل كان أسطورة
واليوم مع موجة التيار
صارت بقى الاطلال مهجورة
*****
لاتعود بعدا تقدم الاعذار
المحبة عالبعد مو معذورة
المحبة قدر متل هالاقدار
متل وحي الشعر مقدورة
*****
بتجي متل موجة بلا انذار
مو ع مد الكاس مغمورة
وبعد الصحو بيصير استغفار
ونحلف انو ماترجع الدورة
*****
بس بنبقى بشر والعزا وشحار
وتبقى السعادة دوم محظورة
ويبقى العزول بلسانو الثرثار
يلوك بحروف الأذى وشرورة
تعليقات
إرسال تعليق