كمشة غزل بقلم الشاعر علي أمين ديب
٠ ٠ ٠ كمشة غزل ٠ ٠ ٠
في بالرمش كمشة غزل
خوف ورعب يمكن خجل
ريحة عطر نسمة ربيع
في ع الصدر يرقص حجل
هونيك في خالق بديع
وعيون بتركع جبل
لو بالحضن إرجع رضيع
بدر السما فوقي إكتمل
غير الهوى مالي شفيع
باقي العمر كلو دجل
حضن الصبيه شو فظيع
قبلك( علي) دسته قتل
يمكن أنا آخر صريع
مجنون أو عقلي فتل
لكن أنا عاشق ضليع
عشق وهوى عمرو اختزل
لك سامحوني يا الجميع
رح موت والمقتل شنيع
أو صير مضرب للمثل
علي أمين ديب
تعليقات
إرسال تعليق