بذكر أنا بقلم الشاعرة رابيه الأحمد
بذكر انا براس السنة كنا
كل الأهل يتجمعو عنا
نرندح سوا مواويل وغناني
سكابا وعتابا واوف ومعنى
والموقدة جوات هالمنزول
حب ورفا بيشفي قلب معلول
صواني الحلو غريبة وكعك معمول
وكل عام وانتو بخير نستنى
وبرا التلج عالغصن غفيان
وعصفور دوري يغرد وبردان
ناي وطبل ودربكة الجيران
وجدي لستي اوف شو غنى
ذكرى هداك البيت ضيعانو
بوابو خشب من طين حيطانو
صعبة يابيي كتير نسيانو
بيت اللي فيه الحب يغمرنا
بقلمي رابيه الأحمد
تعليقات
إرسال تعليق